有d地方 我好怕去
但係 每年又總要去呢d地方3-4次 髮型屋 個頭到咁上下 又係時候要去剪
每次都話想改下個樣
整個新髮型 不過每次到最後都係唔知點變好
所以都會係keep住咁既樣
唔會有乜大變 最怕個髮型師走埋來問你想點剪
其實我唔係好識答呢條問題
因為我好想變 但係真係唔知點變好 好驚變得核突
個頭整到核突既效話 真係唔知要等幾耐先可以變得番正常架嘛 所以係呢個時候 我都會用一d所謂既術語去表達
其實我都好懷疑自己究竟明唔明d字點解
"偷薄" "剪碎" "有層次d" "keep長度"
到最後都不忘要加多句 其實呢句先係重點
"其實我都唔知點剪 你幫我諗啦" 哈哈 你交得個頭俾師傅 你就要準備承擔後果
即係呢 有時 你真係會好不幸咁俾人剪到你個頭好核突
完全唔係你心目中諗住個個頭囉
我就真係試過
個下係忍唔住要買頂cap遮住自己個頭 最好遮埋自己個樣 仲有呀 每次你想話整到好似雜誌個d頭
係無可能囉
個d頭要吹要gel要染要拉
如果你真係想擁有呢類咁靚既髮型
唔該你朝朝起身吹頭gel頭成個鐘啦
你俾得個幾廿蚊 點會整到d咁既頭丫
所以 面對現實吧啦 不得不提既就係
洗頭個part 嘩 依家真係 好差
呢幾年去洗頭 次次都會俾d水彈到
仲要入埋耳仔
跟住d水唔夠熱
個姐姐大力過頭
有時 仲會有口氣問題
我都知佢地係續個頭計錢 洗多d就有多d錢收
但係 個態度可唔可以好少少 明明記得好清楚
細個個時d姐姐洗頭洗得好舒服
仲會幫你按摩埋
又會問你d水夠唔夠熱 個頭痕唔痕
係真係feel到有個心出來幫你洗頭 唉 試過有幾次講明唔使洗頭 淨剪就得
結果個髮型師成程係度俾說話我聽
唔使咁呀 差d唔記得
剪頭髮個時 總會有d要social既時候
又係個d例牌既對答遊戲
其實我唔想講咁多野你知囉
吹下水無問題
但係我唔想講自己野囉 所以剪頭髮呢個動作
對我來講真係好煩 好矛盾
等又等得耐 剪又剪得奇快
要忍受無心同你洗頭既人既嘴臉
個髮型又要成日處於想變又唔知點變好既矛盾
要諗下有d咩可以同個師傅講 個腦要keep住諗野
跟住每次剪完個頭都要飛奔返屋企 左照右照
左整右整 唔知自己整過d乜之後先至話夠膽見人 唉 總之就好煩啦 不過 話就話煩
到最後你都係會忍唔住走去剪頭髮
一次又一次去忍受整個過程 so sad | 
